பரிசில் நாள் நிகழ்வு - 2011

எமது கல்லூரியின் வருடாந்த பரிசில் நாள் நிகழ்வு செவ்வாய்க்கிழமை (2011-09-27) காலை 9 மணிக்கு கல்லூரி அதிபர் திரு.அ.கயிலாயபிள்ளை அவர்களின் தலைமையில் அருணாசலம் மண்டபத்தில் நடைபெற்றது. இந்நிகழ்வுக்கு பிரதம விருந்தினராக வடமாகாண ஆளுனரின் செயலாளரும், வடமாகாண கல்வி பண்பாட்டலுவல்கள் விளையாட்டுத்துறை அமைச்சின் உதவிச் செயலாளருமான திரு இ.இளங்கோவன் அவர்களும், சிறப்பு விருந்தினராக உயர் திரு கு.பிறேமகாந்தன் (வலயக் கல்வி பணிப்பாளர், வலயக் கல்வி அலுவலகம், தென்மராட்சி) அவர்களும், கௌரவ விருந்தினராக திருமதி வாணி கலாபன் (பழைய மாணவர் ஆசிரியர் சங்கம் ஐக்கிய இராட்சியக் கிளை) அவர்களும் கலந்து சிறப்பித்தனர்.

சேவைநலன் பாராட்டு விழா

எமது கல்லூரியில் 03.01.1994 முதல் கர்நாடக சங்கீத ஆசிரியராக கடமையாற்றி 15.09.2011 இல் ஓய்வு பெறுகின்ற திருமதி குமாரசாமி கமலேஸ்வரி அவர்களின் சேவை நலன் பாராட்டு விழா எமது கல்லூரியில் ஆசிரிய சகோதரத்துவத்தினால் இன்று (15.09.2011) நடாத்தப்பட்டது. கல்லூரி மாணவர்கள், ஆசிரியர்கள், பிரமுகர்கள் ஆகியோரால் சேவை நயப்புரை நிகழ்த்தப்பட்டும், மலர்மாலை அணிவித்தும் பொன்னாடை போர்த்தியும் கௌரவித்தனர்.

பேரூந்து அன்பளிப்பு

கல்லூரியின் நிறுவுனர் தாமோதரம்பிள்ளை அவர்களின் வழித்தோன்றல் திரு சரா தாமோதரம்பிள்ளை, திரு திருமதி.ச.சிறிகுமார்(மகள், மருமகன்) அவர்களினால் 4 மில்லியன் ரூபா பெறுமதியான 42 ஆசனங்கள் கொண்ட TATA Star Bus எமது கல்லூரிப்பாவனைக்காக 2011.09.23 அன்று அன்பளிப்பாக வழங்கப்பட்டது.

மேலும் படங்கள்...